Sipas të dhënave të fundit, Facebook këtë vit ka arritur në mbi 500 milion anëtarë, ndërsa të hyrat vjetore të këtij rrjeti social arrijnë në 2 miliardë dollarë.

Në anën tjetër, shefi i kompanisë Apple, Steve Jobs, gjendet në vendin e dytë. “Pasi ka shpëtuar industrinë e muzikës dhe ka krijuar industrinë e telefonave të zgjuar, Jobs tani ka nisur një mision të ri, mbrojtjen e industrisë së mediave përmes tabletin e saj, iPad”, thuhet në tekstin e revistës Vanity Fair.

Mirëpo, njëra ndër arsyet se pse Jobs gjendet në vendin e dytë, është pikërisht problemi me antenën e modelit të fundit të telefonit të saj të zgjuar, iPhone 4.

Ndërsa, treshja e Google – Brin-Page-Schmidt, është shumë afër me rivalin e tyre Jobs, kompaninë e të cilit thuhet se Google do ta kalojë deri në 2012, me sistemin e saj operativ, Android. / foto: wikimedia

Butoni ′′Subscribe′′ i cili shfaqet në proflin e miqve tuaj ju mundëson që të zgjidhni miqtë apo antarët e familjes tek të cilët do të shfaqen aktivitet tuaja, të cilat ju shfaqen në kryefaqen e Facebook. “Ne jemi në fazën e testimit të këtij tipari në një përqindje shumë të vogël të përdoruesve”, thuhet në një deklaratë nga Facebook.

Disa roje të industrisë kanë kritikuar funksionin e ri, duke thënë se ky funksion mund të jetë një skandal për ne, sepse do të na mërzisin aktivitetet e miqve. Është e paqartë nëse njerëzit do të jenë në gjendje të abonohen tek ndonjëri prej miqve të tyre.

Facebook nuk tha asgjë se kur funksioni i ri do tu ofrohet të gjithë përdoruesve

Nga Leonard Kerquki më 05.09.2010 në ora 9:51
Gjyqtari raportues Robert Corolan ka përfunduar punën në Lëndë e Presidentit Fatmir Sejdiu dhe konstatimet e tij tashmë i ka dërguar në Kolegjin Shqyrtues të Gjykatës Kushtetuese të Kosovës.

Ky është një hap i madh në këtë proces gjyqësor, të iniciuar nga më shumë se tridhjetë deputetë, të cilët kërkojnë nga Gjykata Kushtetuese të deklarohet nëse Fatmir Sejdiu po e shkel Kushtetutën duke mos dhënë dorëheqje nga posti i Kryetarit të LDK’së.

Gazeta Express, përmes burimeve të saj të afërta me Gjykatën Kushtetuese, ka mësuar se brenda disa ditësh Kolegji Shqyrtues duhet të marrë vendim për t’i dërguar apo jo konstatimet e Gjyqtarit Amerikan te Paneli i Gjykatës.

“Normalisht pritet që Kolegji Shqyrtues t’i dërgojë në Panel konstatimet e Gjyqtarit. Por, në bazë të procedurave dhe pas konsultimeve të gjithanshme, Kolegji ka të drejtë edhe t’i hedhë poshtë ato konstatime”, ka thënë në kushte anonimiteti për Express një zyrtar i afërt me zhvillimet në Gjykatën Kushtetuese.

Gazeta mëson se Gjyqtari Robert Corolan ka konstatuar se Fatmir Sejdiu ka rënë ndesh me Kushtetutën, duke mos dhënë dorëheqje nga posti i Kryetarit të LDK’së.

Në këtë situatë, thonë burimet, ai duhet të japë dorëheqje nga njëri post, për të qenë në rregull me aktin më të lartë juridik të vendit.

“Nëse Paneli i Gjykatës pajtohet rreth konstatimeve të gjyqtarit, Sejdiu do të jetë i detyruar që të japë dorëheqje nga njëri post që mban aktualisht”, ka thënë burimi i gazetës.
Robert Carolan, aktualisht gjyqtar në Gjykatën Kushtetuese të Kosovës, ka shërbyer si Gjykatës ndërkombëtar në Misionin e Kombeve të Bashkuara në Kosovë nga viti 2002 deri në vitin 2003 dhe pastaj nga viti 2004 deri në vitin 2005 ka shërbyer si Kryesues i Këshillit Gjyqësor dhe Prokurorial të Kosovës. Ai, po ashtu, është një prej njerëzve që ka punuar në hartimin e Kornizës Kushtetuese të Kosovës, dokument ky që nuk dallon aspak me Kushtetutën e Kosovës kur flet për detyrat dhe përgjegjësitë e Presidentit të Kosovës.

Nëse konstatimet e Gjykatësit amerikan pranohen nga Gjykata, atëherë kjo është goditja më e madhe për karrierën politike të Fatmir Sejdiut.

Presidenti duket se është i vetëdijshëm për këtë.

“Unë nuk dua ta paragjykoj vendimin e Gjykatës”, ka thënë Sejdiu, të premten, në një prononcim dhënë mediave.

Por, ai nuk ka mundur të mos i paragjykojë edhe motivet që shtyn mëse tridhjetë deputetë që ta padisin atë në Gjykatën Kushtetuese.

“Pse nuk e bënë më parë këtë, por tash? Kanë mundur ta bëjnë që katër vjet e gjysmë”, ka thënë Presidenti.

Ai duket se procesin kundër tij e ndërlidh me zhvillimet në LDK, e ku gara për Kryetar të partisë çdo ditë e më shumë po ashpërsohet. Sipas gjitha gjasave, Gjykata
Kushtetuese do ta përfundojë Lëndën e Presidentit në fund të muajit shtator. Nëse Sejdiu vendos të japë dorëheqje nga posti i Kryetarit të LDK’së, atëherë ai do ta ketë të pamundur që të kandidojë sërish për këtë post në zgjedhjet e sivjetshme.

Naim Rrustemi, deputet i pavarur i cili mblodhi nënshkrimet për të dërguar Presidentin në Gjykatën Kushtetuese, është i bindur se Gjykata do të konstatojë se Sejdiu po e shkel Kushtetutën.

“Unë nuk kam asnjë dilemë se ligji, e drejta, është në anën e ankuesve. Dihet që Presidenti është duke e shkel Kushtetutën”, ka thënë Rrustemi për Express

Goli i avantazhit për Rumaninë erdhi dhjetë minuta pa përfunduar koha e rregullt e ndeshjes, ndërsa realizues ishte Bogdan Stancu.

Mirëpo, kuqezinjtë u treguan të vendosur për të nxjerrë së paku një pikë nga ky udhëtim dhe në fund ia arritën qëllimit, pasi që Muzaka realizoi golin e barazimit (87’). /

Si për Kosovën, ashtu edhe për Serbinë çdo votë në Asamblenë e Përgjithshme nënkupton fitore ose humbje.

Përderisa Prishtina po sillet mjaftë komod, duke besuar se vendet fqinje dhe ato që e kanë njohur Kosovën nuk do t’i japin votën rezolutës problematike serbe, Beogradi nuk i ka kursyer këto vende që t’u kërkojë votën në mbështetje të kësaj Rezolute.

Nga ish-Republikat Jugosllave ishte Kroacia ajo e cila e para i tha Serbisë se nuk mund të llogariste në votën e Zagrebit. Të njëjtën përgjigje Beogradi mund ta presë edhe nga Sllovenia, kurse Maqedonia e Mali i Zi me gjasë do të mbajnë konsultime para se t’i japin përgjigjen Beogradit.

Në anën tjetër, autoritetet në Prishtinë besojnë se Kosova do ta fitojë edhe betejën tjetër politike me Serbinë.

Ndonëse Kosova nuk do të jetë e pranishme në punimet e sesionit që fillon në javën e dytë të shtatorit, bindjet e veta Kosova i mbështetë tek vendet që e përkrahin pavarësinë e saj te mendimi i GJND-së.

Zëvendëskryeministri i vendit, Hajredin Kuçi shprehet optimist se shumica e vendeve anëtare të Asamblesë së Përgjithshme nuk do ta japin votën për këtë rezolutë edhe nëse ajo procedohet përfundimisht në rendin e ditës, pasi që ajo paraqet konfrontimin me mendimin e GJND-së. /

Burime brenda Qeverisë pohojnë se nga Katari, kryeministri do të niset për në New York, ku të martën do t’i bashkohet delegacionit të Kosovës, në krye me presidentin Fatmir Sejdiu, i cili niset të shtunën.

Katari ka paralajmëruar njohjen e Kosovës qysh vitin e kaluar, megjithatë ende nuk e ka ndërmarrë këtë veprim, përderisa liderët e shtetit dhe Myftiu Naim Tërnava, kishin kërkuar disa herë që ky shtet ta njohë Kosovën.

Gjatë një interviste për Top-Channel ai ka thënë se përgjatë takimeve që ka zhvilluar në Honduras, në Salvador, në Guatemalë, në Parlamentin e Amerikës Qendrore, ka marrë sigurinë “e një përkrahjeje për pavarësinë e Kosovës, për një mbështetje shumë konstruktive të gjithë këtyre vendeve, të cilat e pranojnë që tashmë ky është një realitet i ri, një çështje në radhë të parë e vetë Bashkimit Evropian”.

“Në këtë drejtim unë jam shumë optimist, pas njohjes së sotme të formalizuar nga Hondurasi, që një proces zinxhir njohjesh do të vijojë në mënyrë të vazhdueshme, ashtu siç shpresoj se Serbia do t’i dëgjojë me përgjegjshmëri mesazhet nga Bashkimi Evropian dhe SHBA dhe të tërhiqet nga kjo iniciativë e njëanshme, e cila nuk i shërben absolutisht as forcimit të mëtejshëm të stabilitetit dhe paqes në rajonin tonë, por as perspektivës evropiane të vetë Serbisë”, ka thënë Meta.

Ai ka përsëritur se Kosova e pavarur është një realitet i pakthyeshëm, që po njihet dhe do të njihet nga shumë vende dhe e vetmja rrugë natyrisht mbetet dialogu për çështje të interesit të qytetarëve. “Por kurrsesi nuk mund të ketë dialog për statusin i cili nuk mund të negociohet, aq më tepër tani pas përforcimit që i ka bërë legjitimitetit të kësaj pavarësie Gjykata Ndërkombëtare e Drejtësisë”.

Sekretari i Shtetit në Qeverinë e Serbisë, Oliver Ivanoviq, i tha BBC-së në shqip se po kërkohet një rrugëdalje me BE-në për rezolutën e cila, sipas tij, nuk do të ndryshojë shumë.

Ai tha se bisedimet me diplomatët evropianë kanë të bëjnë më shumë me një marrëveshje me bashkësinë ndërkombëtare për hapat pas miratimit të projekt-rezolutës në OKB.

Përpjekjet për ndryshimin e projekt-rezolutës serbe kanë hyrë në një fazë kyçe dhe diplomatë të BE-së po bëjnë ece-jake diplomatike në Beograd.

Javën e shkuar shefi i diplomacisë gjermane, Guido Westerwelle, ndaloi në Beograd e Prishtinë, të martën sekretari i Jashtëm Britanik William Hague viziton Serbinë, dhe ndryshimi i tekstit të projekt-rezolutës serbe është temë qendrore.

Oliver Ivanoviq i tha BBC-së se është mençuri politike që në prag të votimit të provohet të mblidhet një numër sa më i madh i mundshëm i atyre që e mbështesin këtë rezolutë. Atëherë votimi do të ishte i zakonshëm. Prandaj në këtë fazë, para nesh, mbetet që me anëtarët e BE-së, të cilat nuk janë pajtuar me projektin tonë të rezolutës, t′i harmonizojmë qëndrimet, por duke mos hequr dorë nga çështjet kryesore: kjo do të thotë bisedimet dhe qëndrimi ndaj statusit, këto janë dy çështje të cilat nuk mund të ndryshojnë.
Për kërkesat e vendeve të BE-së, që e kanë njohur pavarësinë e Kosovës, që dy çështjet kryesore nga rezoluta serbe të ndryshojnë – e para ka të bëjë me mendimin e GJND-së dhe e dyta me bisedimet për statusin, Ivanoviq tha se këto çështje janë objekt për bisedime dhe sigurisht që nuk mund të negociohen përmes shtypit dhe mediave. Ka ende kohë, dhe kanë mbetur edhe 10 ditë deri në fillimin e punimeve të Asamblesë së Përgjithshme dhe deri një ditë para fillimit çdo gjë do të jetë e hapur. Është çështje e sigurt se Serbia nuk do të heqë dorë nga “disa vija të saj të kuqe”, që nënkupton se tërësia tokësore e Serbisë nuk mund të vihet në pikëpyetje përmes një rezolute, është shprehur ai.
Ai nuk ka përjashtuar mundësinë e ndryshimit të tekstit të rezolutës

Megjithëkëtë Milia Milosheviq, ndaj të cilit po zhvillohen një seri hetimesh, do të jetë udhëheqës i një njësie miltietnike, që përbëhet nga katër patrulla policore, puna e të cilave është bashkëpunimi me komunitetin.
Gjeneral Selimi po ashtu ka ndërruar edhe drejtorin rajonal të policisë në Mitrovicë. Në vend të Jahë Avdiut, i cili është transferuar në pozitën e drejtuesit të njësisë së hetimeve të brendshme, ndërsa në vend të tij ka emëruar Sami Shabanaj, i cili aktualisht është drejtor i Drejtorisë për inspektim dhe auditim në Drejtorinë e Përgjithshme.
Përveç kësaj komandanti i Stacionit të Policisë në Skënderaj, Avni Zabeli, siç thuhet, për nevoja të shërbimit është caktuar komandant i Stacionit të Policisë në jug të Mitrovicës, kurse në vend të tij është caktuar Bastri Durmishi, nga Mitrovica. Ndërkaq komandanti i deritashëm i stacionit në jug, Bashkim Spahiu, është dërguar në Drejtorinë Rajonale në Prishtinë në operativën rajonale. Ndryshimet e kanë prekur edhe Ferizajn. Si drejtor Rajonal atje është emëruar Izet Aliu.

Gazeta Express shkruan se Ukë Rugova e ka bërë të qartë se atij zemra më fort i rrahë për Lidhjen Demokratike të Kosovës, subjekt të cilin e ka ngritur babai i tij, në rrethana krejt të ndryshme prej këtyre sotshmeve.

“Si familje nuk kemi asgjë kundër që të gjitha atyre subjekte që dëshirojnë të përfitojnë nga filozofia rugoviane, ta bëjnë këtë. Edhe ne jemi të bindur se kontributi i Presidentit Rugova ka qenë përtej partive politike”, ka thënë Ukë Rugova djali i dytë i Presidentit Rugova, i cili tashmë e ka ndarë mendjen që kah muaji shtator të trokasë në dyert e nëndegës së LDK-së në Velani, për t’u bërë pjesë e garave të brendshme partiake. “Unë i takoj Lidhjes Demokratike të Kosovës”, thotë ai.

Sipas hulumtimit, 60 për qind e qytetarëve të Maqedonisë konsiderojnë se anëtarësimi në BE është i mirë për shtetin, 11 për qind se është keq, ndërsa 27 për qind as njërën as tjetrën.
Në krahasim me anketën e një viti më parë vihet re një rënie prej 6 % të përqindjes së personave të cilët mendojnë se eurointegrimi është i mirë për vendin, ndërsa është rritur në 2 % mendimi i kundërt.

Hulumtimin që këto ditë e publikoi Komisioni Evropian është zbatuar prej 5 deri më 28 maj të këtij viti në 27 anëtare të BE-së, në vendet-kandidate për anëtarësim Kroacia, Maqedonia, Turqia dhe Islanda, si dhe në pjesën turke të Qipros. Me anketën në Maqedoni ishin përfshirë 1.048 persona.