Gjykata Supreme e Kosovës ka anuluar vendimin e Komisionit për Ankesa dhe Parashtresa për rivotim në komunën e Gjilanit.
Lajmi është konfirmuar për Radion Evropa e Lirë dhe nga Komisioni Qendror i Zgjedhjeve.
Ky aktgjykim i Gjykatës Supreme është në të vërtetë miratim i padisë së kandidatit të PDK-së për kryetar të Gjilanit, Qemajl Mustafa ndaj udhëzimit të KZAP-it.
Gjykata Supreme e ka kthyer për plotësim padinë e Shtabit Qendror të Lidhjes Demokratike të Kosovës dhe atë të kandidatit për kryetar të Gjilanit, Fatmir Rexhepi.
Sipas administratores së Gjykatës Supreme, gjykata i ka dhënë afat prej tetë ditësh edhe LDK-së, edhe kandidatit të këtij subjekti për kryetar të Gjilanit që të bëjnë plotësimin e lëndës dhe më pas do të merret vendimi në përputhje me afatet ligjore.
Për kryetar të komunës së Gjilanit kanë garuar Qemajl Mustafa i PDK-së dhe Fatmir Rexhepi i LDK-së.
