Presidenti Barak Obama u bëri thirrje politikanëve të lenë mënjanë grindjet abstrakte dhe debatet ideologjike dhe të përqendrohen te zgjidhja e problemeve afatgjata të vendit.
Ai i bëri komentet në Mëngjesin e Lutjeve, një ceremoni e përvitshme tradicionale që e ka zanafillën rreth 60 vjet më parë. Ashtu si çdo vit, në ceremoninë e sivjetme të zhvilluar në Hotelin Hilton të Uashingtonit morën pjesë personalitete të larta amerikane dhe nga vende të tjera.
