Mesfushori i Realit të Madridit, Guti, ka këmbëngulur se një dështim në Champions Ligë kundër Lionit në mesjavë do të ishte një katastrofë e vërtetë për klubin.
“Ne kemi besim tek forcat tona dhe duam të zhvillojmë një ndeshje të mirë. Me blerjet që kemi bërë këtë vit në merkato dhe duke ditur se finalja do të zhvillohet në stadiumin tonë, ne duhet të japim maksimumin në këtë takim”, – ka thënë Guti.
“Do të ishte një dështim eleminimi ynë kundër një ekipi si Lioni, që është një skuadër e mirë, por që nuk bën pjesë tek klubet më të mëdha të Europës”.
Guti gjithashtu ka parashikuar se Pelegrini do të hedhë në fushën e lojës një skuadër sulmuese, dhe duke parë se Alonso do të mungojë, ai mund të luajë që nga minuta e parë.
